ATENCIÓN: POR MOR DA COINCIDENCIA DOUTRAS ACTIVIDADES MODIFÍCASE A DATA DE CELEBRACIÓN DO CURSO DE ARBITROS

Dado que varios deportistas de Vilalba están convidados á entrega de premios do deporte da Deputación de Lugo programada para o próximo día 27de Novembro, os técnicos da FGL acordaron cambiar a data do curso de arbitraxe facilitando así a asistencia dos deportistas vilalbeses a ambos eventos.
O curso terá lugar o próximo día 11 de Decembro, manténdose invariable o lugar e horarios do mesmo.

O CLUB VILALBA SUBVENCIONA AOS SEUS DEPORTISTAS A INSCRICIÓN NO CURSO DE ARBITROS DE NIVEL I DAS MODALIDADES DE LOITAS OLÍMPICAS, GRAPPLING E SAMBO

A Federación Galega de Loita quere continuar co programa formativo dos seus arbitros e xuíces, polo que o próximo 11 de Decembro terá lugar nas instalacións do CGTD de Pontevedra os cursos de:

• Árbitro Rexional de nivel 1 de Loitas Olímpicas.
•  Árbitro Rexional de nivel 1 de Loita Grappling.
• Árbitro Rexional de nivel 1 de Loita Sambo.
• Curso de actualización do Colexio de Árbitros para presentarse ao ascenso.

O curso será impartido polo Árbitro Internacional e presidente do Colexio Galego de Árbitros de Loita da Federación Galega, D. Ángel Amor.

Este curso conta coa convadilación do Colexio Nacional de Árbitros da Federación Española.

O curso é obrigatorio para poder ascender de categoría a nivel nacional e internacional.

A inscrición terá un custo de 30€ e ao finalizar entregarase aos asistentes o Diploma de participación, expedido pola Federación Galega de Loita, obtendo o título de xuíz novel.

Con este curso a Federación Galega pretende facilitar que os clubs galegos poidan cumprir coa normativa de presentar un árbitro nos campionatos oficiais e unha maior presencia dos árbitros galegos a nivel nacional.

LUGAR E HORARIO

Sala de audiovisuais do CGTD, sito na rúa Pai Fernando Olmedo s/n. Estadio da Xuventude de Pontevedra. O horario do curso será o Sábado día 11 de 10 a 14 horas e de 16 a 20 horas.

MATERIAL PARA O CURSO.

• Os asistentes ao curso deben traer:
• Papel e bolígrafo.
• Pantalón de adestramento de cor azul.
• Camisola de adestramento de cor branca.
• Botas de loita.

DATA DE INSCRIPCIÓN. A inscrición farase na Federación Galega mediante correo, fax ou e-mail antes do día 23 de Novembro.
O CLUB DE LOITAS OLÍMPICAS VILALBA SUBVENCIONARÁ O TOTAL DA INSCRICIÓN NO CURSO A TODOS OS SEUS DEPORTISTAS QUE SE ATOPEN INTERESADOS EN CURSALO. PODEN SOLICITAR O FOLLETO DE INSCRICIÓN NAS INSTALACIÓN DE ADESTRAMENTO. TODA A INFORMACIÓN SE ATOPA NO TABOLEIRO DE ANUNCIOS.

A SECRETARÍA XERAL PARA O DEPORTE SUBVENCIONA A COMPRA DUNHA FURGONETA

A pasada semana saíu publicada a resolución das axudas para a adquisición de equipamentos para entidades deportivas da Secretaría Xeral para o Deporte, e ao noso club foi concedida unha axuda de 9.900 € para a adquisición dunha furgoneta.
Este é un investimento que o Club de Loitas Olímpicas Vilalba leva anos tentando plantexalo, pero a falla de presuposto e prioridade doutras actividades relegou o súa execución ata hoxe.
A furgoneta que será adquira no mercado de segunda man para axustarse aos presupostos da entidade dará resposta ás necesidades dos nosos deportistas permitíndonos máis desprazamentos e o máis importante, axudará a achegar este deporte a outros concellos e centros educativos da comarca e da provincia.
A compra deste material non sería posible sen a colaboración de varias empresas de Vilalba e da provincia. Varios deportistas desta entidade estiveron a facer unha peregrinaxe entre o sector empresarial lucense para acadar o investimento privado suficiente que garanta non só a adquisición do vehículo senón que tamén o seu mantemento. Aínda que fan falla máis colaboradores, xa son varias as empresas que se amosaron interesadas en participar deste proxecto ben como patrocinadores oficiais, ben como proveedores ou ben como colaboradores.

De entre os patrocinadores oficiais que asumirán un maior coste do proxecto se atopan Electricidade Moncho e Santomé, Caixa Rural Galega ou Restaurante Casa Paco de Lugo. A imaxe corporativa destas empresas terá unha maior presencia non só na furgoneta, senón que tamén en todos os soportes físicos e materias do club (documentos, equipacións, instalacións,etc).
Os proveedores oficiais son aqueles que xa veñen colaborando coa entidade e que facilitarán o mentemento do vehículo, entre eles se atopan a empresa de deseño e impresión Inker  e o Taller Basanta Souto de Vilalba.
Varias empresas da comarca tamén participarán como colaboradores a cambio da impresión da súa marca na furgoneta, empresas como Cafetería A Pravia, Discoteca Hermo de Muimenta, Hostal Terra Chá, Bar Estudiantes, Queixería Daniberto ou Talleres Freire.
Nos próximos días a directiva do club tentará ir pechando os acordos de colaboración con outras empresas interesadas pois aínda é precisa unha maior implicación do sector empresarial para facer sostible este novo proxecto.