SERGEI PRIADUN EN VILALBA

O dúas veces subcampión de Europa e campión do Mundo militar estará dúas semanas adestrando en Vilalba. Sergei, que xa estivo varias veces combidado en Vilalba, traballará co obxectivo de mellorar a táctica dos principais loitadores vilalbeses e de todos aqueles que queiran achegarse á nosa vila para compartir dos coñecementos deste cualificado adestrador.
Priadun foi coñecido entre os pesos pesados pola súa destreza técnica que lle serviu para superar aos mellores loitadores do momento. Presente en dous Xogos Olímpicos desenvolve agora o seu traballo como técnico na convulsa Crimea, razón pola que nos custa tanto poder contar con el máis veces ao ano.
De cara á próxima tempada gustaríanos contar con Sergei de maneira permanente para que ocupe o posto de técnico xa que a súa presenza aquí nas pasadas ocasións sempre contribuiu á mellora dos nosos deportistas. Agora, con varios deportistas  como Ramón Monasterio ou Carlos Yobani García que acompañan a Cuba  nun sistema de adestramentos diarios coa vista posta en resultados internacionais fai necesaria a presenza dun técnico de nivel internacional.
Durante a estancia de Sergei ata o día 22, todo aquel que quera achegarse a adestrar con nós está convidado.

Carlos Yobani concentrado en Madrid coa selección Sub23

O noso deportista Carlos Yobani García rematou a súa participación na concentración internacional que ben de celebrarse no CAR do CSD de Madrid e para a que foi convocado como membro do equipo español Sub23.
Na concentración tamén participaron varios dos representates da selección de Georgia, algúns deles medallistas dos pasados europeos.
A selección española convocou aos seus integrantes co obxectivo de preparar o próximo Torneo San Blas de Madrid no que se agarda que haxa participación internacional.
De volta a Vilalba, Carlos completará a súa preparación coa axuda do ucraniano Sergei Priadun que permanecerá estas dúas semanas traballando no noso club.

CONCENTRACIÓN TECNIFICACIÓN NO CGTD

Varios dos nosos deportistas participaron na concentración de tecnificación que a Federación Galega organizou o pasado 1 de decembro no CGTD de Pontevedra e na que convocou a todos os clubs galegos para participar en dúas sesións formativas para os máis novos.
A actividade tamén se aproveitou para facer un clinic de actualización de arbitraxe dirixido ós xuíces e adestradores que precisan actualizarse sobre os novos cambios regulamentarios.

CONCENTRACIÓN ESTATAL JÚNIOR

Os vilalbeses  Samuel García e Carlos Yobani participaron na concentración estatal júnior que se celebrou do 24 ao 29 de novembro no CAR do CSD de Madrid. Os nosos deportistas foron convocados pola federación española co obxectivo de aumentar o número de actividades formativas de cara á próxima tempada que será moi especial polo europeo júnior que acollerá a cidade de Pontevedra.
Os nosos deportistas viñeron moi contentos da oportunidade que tiveron de medirse coa maioría dos medallistas dos pasados campionatos de España e que serán os principais riváis a batir nos próximos estatais do 2019.
O punto negativo o puxo a pequena lesión que Carlos sufriu nun codo durante un choque fortuíto durante o adestramento e que non lle permitíu disfrutar dos adestramentos con plenitude.

SAMUEL GARCÍA PARTICIPOU NO TRIANGULAR DE PONTEVEDRA

O vilalbés Samuel García Miragaya tivo un bo test de campo no Triangular de Pontevedra no que federación española convocou aos mellores de cada categoría. Samuel, a pesares da boa actuación, non puido superar aos representantes de Madrid e Cataluña, a categoría cadete fíxose un pouco dura para o noso deportistas que aínda é escolar neste 2018.
Esta competición puxo punto final á concentración da selección española escolar e cadete que se celebrou a semana anterior no CGTD de Pontevedra e contou con preto de 30 loitadores de tódalas partes do Estado.

SAMUEL GARCÍA GAÑA O GRAN SLAM DE BRAGA

Cun pouco de retraso debido a un problema ao tentar cambiar o modelo de blog queremos informar da participación de Samuel García Miragaya no Gran Slam de Braga que se celebrou na cidade portuguesa o sábado 17 de novembro e no que o vilalbés contribuíu ao ouro acadado polo equipo galego.
Samuel gañou os 4 combates que disputou alzándose co primeiro posto, amosando a súa magnífica progresión dende a súa estancia no CGTD de Pontevedra como becado.
Noraboa Samuel e a seguir traballando.

CUBA 5º NO MUNDIAL DE LOITA PRAIA

O noso deportista máis internacional ben de conquerir o 5º posto no mundial de loita praia que se celebrou na praia de Sarigerme (Turquía) esta fin de semana. O vilalbés estreábase nesta modalidade gañando en primeira rolda ante o rumano Trufan en en segunda ante o húngaro Borsos. Foi na terceira rolda onde caeu ante o turco Mete quedando fóra da loita polas medallas pero subindo a un 5º merecido posto na súa estrea na modalidade.
Tras un merecido descanso duns días, comezará a preparar as principais citas do 2019, entre as que se atopa o campionato de España e o mundial como primeira proba clasificatoria para os Xogos de Tokio.

Cuba disputará o Mundial de Loita Praia en Turquía

O vilalbés José xa se atopa na praia de Sarigerme en Turquía para disputar o mundial abosoluto de loita praia. Esta proba é clasificatoria para os xogos mundiais de deportes na praia que se celebrarán o próximo ano nas praias de San Diego en USA. Tamén é unha nova experiencia para o noso deportista que lle pode axudar a aumentar as competicións internacionais e prepararse de cara ás principais citas internacionais da modalidade olímpica.

Moita sorte.

CUBA PERDE ANTE O CANADIENSE DHESI NO OPEN DE POLONIA

O vilalbés José Cuba non tivo un bo día no Internacional Ziolkowski-Pytlasinski de Varsovia ao caer en primeira rolda ante o canadiense Amarveer Dhesi por superioridade técnica, e tras perder este ante  o polaco Kamil Kosciolec en cuartos de final deixou ao noso fóra da loita polas medallas.

Foi un torneo de primeiro nivel no que se acabou impoñendo na final o ruso Khizriev ao polacoa Baran, loitador que xa desputara unha axustada primeira rolda co vilalbés no pasado europeo de Kaskpisk.

Agora Cuba porá o seu obxectivo no mundial de loita praia que se celebrará nun mes na cidade turca de Sarigerme.

CARLOS PERDE O PASE AO BRONCE NO EUROPEO JÚNIOR

O vilalbés Carlos Yobani acaba de rematar o campionato de Europa júnior que ven de celebrarse en Roma ao perder na repesca por superioridade ante o bielorruso Mikita Strakh. A participación do vilalbés tivo moitos altibaixos propios da falla de experiencia. Comezou gañando o primeiro enfrontamento ante o estonio Marek Kuett, un loitador difícil que apiques estivo de remontar un combate que o vilalbés comezou gañando. Xa en cuartos Carlos perdeu ante o ruso Aznaur Tavaev que amosou unha clara superioridade en toda a competición chegando á final, o que lle deu a posibilidade ao vilalbés de meterse na loita polas medallas.
Xa na repesca Carlos tiña que gañar en primeira rolda ante o bieloruso, un loitador en principio de nivel inferior ao estonio, para logo xogarse o bronce ante o búlgaro Angelov Atanasov, este xa un loitador de maior nivel e que prometía un axustado combate. Sen embargo Carlos non puido saír coa actividade necesaria ante o bieloruso e cedeu nun combate que parecía asequible.
Agora toca recuperarse e aprender dos erros para continuar a traballar no logro dos obxectivos marcados.

CONCENTRACIÓN NO CAR DE MADRID

Este ano o Gran Premio de España nos deixa un sabor agridoce, por un lado temos que destacar o bronce de Catriel Pehuén nos pesos pesados. O loitador arxentino, como xa relatamos nas pasadas notas, estivo preparando a cita en Vilalba e chegaba a Madrid como unha alternativa importante para acadar as medallas. Acadou o bronce ao perder en primeira rolda ante o uzbeco Davit Modzmanashvili que regresa á competición tras ser a segunda vez que resulta sancionado por dopaxe e gañar posteriormente ao canadiense San Molle cunha espectacular técnica.
A parte amarga a puxo a lesión de Cuba que non lle permitiu loitar polas medallas nunha competición na que acostumaba a ser un fixo nos prezados postos de podio. Aínda así gañou en primeira rolda ante o  sueco Fardin Anosheh, mentrás que no pase á final pouco puido facer cunha soa perna debido ao forte derrame do xeonllo dereito ante o austríaco Johanes Ludescher.
Aínda así, o vilalbés gañou o primeiro enfrontamento e deu mostra do seu nivel internacional.
Agora atópase descansando e recuperándose co obxectivo de poder estar listo para o internacional de Polonia que lle servirá para medir o seu estado e posibilidades de loitar o mundial de Hungría a finais de setembro.

GRAN PREMIO DE ESPAÑA

Este ano o Gran Premio de España nos deixa un sabor agridoce, por un lado temos que destacar o bronce de Catriel Pehuén nos pesos pesados. O loitador arxentino, como xa relatamos nas pasadas notas, estivo preparando a cita en Vilalba e chegaba a Madrid como unha alternativa importante para acadar as medallas. Acadou o bronce ao perder en primeira rolda ante o uzbeco Davit Modzmanashvili que regresa á competición tras ser a segunda vez que resulta sancionado por dopaxe e gañar posteriormente ao canadiense San Molle cunha espectacular técnica.
A parte amarga a puxo a lesión de Cuba que non lle permitiu loitar polas medallas nunha competición na que acostumaba a ser un fixo nos prezados postos de podio. Aínda así gañou en primeira rolda ante o  sueco Fardin Anosheh, mentrás que no pase á final pouco puido facer cunha soa perna debido ao forte derrame do xeonllo dereito ante o austríaco Johanes Ludescher.
Aínda así, o vilalbés gañou o primeiro enfrontamento e deu mostra do seu nivel internacional.
Agora atópase descansando e recuperándose co obxectivo de poder estar listo para o internacional de Polonia que lle servirá para medir o seu estado e posibilidades de loitar o mundial de Hungría a finais de setembro.

CONCENTRACIÓN INTERNACIONAL NO CGTD DE PONTEVEDRA

Do 2 ao 5 de xullo tivemos a oportunidade de participar cos nosos deportistas máis destacados das categorías anteriores á absoluta na concentración internacional que a Federación Galega de Loita organizou no CGTD de Pontevedra e que contou coa presenza de varios loitadores do equipo alemán júnior e sub23 así como varios loitadores do equipo ruso que participarían posteriormente no Gran Premio de España.
Esta concentración foi especialmente interesante para Carlos Yobani García que se atopaba en plena preparación do europeo júnior de Roma. Precisamente tivemos ata o último intre a incógnita de si este deportista podería ou non participar na actividade debido ao veto que a dirección do centro ten imposto a este deportista e que levou á negativa nun primeiro momento a poder adestrar no centro. Prohibición que foi levantada tras a reclamación da federación ante a Secretaría Xeral.
Ao final, e a pesares das iniciais trabas inxustificadas, a actividade foi todo un éxito e os nosos deportistas puideron medirse con atletas doutros países..

FIN DAS VIII XORNADAS INTERNACIONAIS

Debido a algúns problemas no blog non o puidemos manter actualizado coas actividades nas que participamos así que agora imos retomar todas aquelas actividades que realizamos ao longo do pasado mes de xullo.

En primeiro lugar destacar a oitava edición das Xornadas Internacionais que celebramos do 2 ao 15 de xullo e que este ano tivo como convidado a Catriel Pehuén (Argentina), bronce nos Campionatos Panamericanos e prata nos Campionatos de América do Sur dos pesos pesados.

Pra nós ter a Catriel foi unha gran alegría pois este deportista comezou a facer loita neste club co que chegou a ser Campión de España de grecorromana e da Copa de España dos pesos pesados. Para poder competir internacionalmente foise ao seu país de orixe no que lle deron a oportunidade de adestrar e formarse no CENAR como parte do equipo nacional arxentino, sendo así como chegou a obter os resultados dos que agora falamos. Actualmente é un deportista de elite que se adica profesionalmente ao deporte e pasa a maioría do ano concentrado en Daghestán (Rusia) cuna dos mellores loitadores do mundo en busca da clasificación olímpica polo que é moi difícil poder contar con el para actividades fóra do continente americano ou Rusia. É así que consideramos que a súa presenza nas xornadas foi moi interesante e unha grande oportunidade.

Durante as xornadas aproveitamos para ultimar a preparación tanto de Cuba como do propio Catriel de cara ao Gran Premio de España que se disputou en Madrid o 15 de xullo e no que Cuba non puido garantirse o bronce por unha lesión no xeonllo.

Tamén aproveitamos para traballar con Carlos Yobani no seu camiño ao europeo júnior de Roma que se celebrou a primeiros de agosto.

Esta actividade, como todos os anos estivo aberta a todos os deportistas que quixeran achegarse a Vilalba para adestrar con nós,  se cabe non foi tan numerosa como en pasadas edicións debido a que estivo moi orientada  á preparación de grandes citas e os adestramentos foron de bastante intensidade.

Dependendo dos recursos dispoñibles a final de ano tentaremos facer unha nova fase destas xornadas con outro deportista de nivel mundial para que máis deportistas podan aprender con nós.

VARIOS VILALBESES CANDIDADATOS PARA SER BECADOS NO CGTD

Esta semana rematou a concentración de xóvenes talentos que a Federación Galega de Loita organiza cada ano no CGTD de Pontevedra para seleccionar aos xóvenes loitadores galegos con posibilidades de ser becados para estudar e adestrar no centro de tecnificación.

Rubén Fraga, Martín Pena e Samuel García, este último xa becado neste curso académico, participaron na edición deste ano que tivo como convidados a varios loitadores e loitadoras estranxeiros cos que compatiron experiencias.

Entre os requisitos para estudar no CGTD están tanto os deportivos como os académicos sendo imprescindible levar os cursos ao día. Tanto Rubén como Martín teñen posibilidades de acompañar a Samuel para o ano que ven no centro pontevedrés tanto por resultados deportivos, ambos medallistas nos campionatos de España, como por estudos pois deron mostras de poder compaxinar ámbalas dous facetas.

Estudar no CGTD é unha experiencia única ademáis dunha boa oportunidade para aqueles e aquelas deportistas que teñen claro que queren adicarlle tempo á súa modalidade e que non dispoñen desta posibilidade no seu entorno.

CARLOS YOBANI SELECCIONADO MELLOR LOITADOR NO TORNEO DO REAL GRUPO COVADONGA

O vilalbés Carlos Yobani García formou parte esta fin de semana do equipo galego que dispotou a 22ª edición do toreno do Real Grupo Cultural Covadonga de Asturias e no que o equipo galego clasificouse en 3º posto.
Ao resultado contribuíu de maneira decisa o vilalbés gañando os 3 enfrontamentos que disputou e polos que obtivo o galardón do mellor loitador do torneo, distinción que recolleu da man do actual seleccionador júnior Fernando Robles.
Os participantes na competición puideron disfrutar dunhas sesión de adestramento dirixidas polo loitador balear de orixe georgiano Levan Metriveli, deportista que ven de acadar o 5º posto nos pasados europeos de Kaspyisk no que tamén o vilalbés Cuba acadou o 8º posto.
Unha vez rematadas as clases Carlos comezará co ciclo especial de preparación de cara ao próximo europeo júnior que disputará a finais de xullo en Roma. 

CONCENTRACIÓN CGTD PONTEVEDRA

Varios dos nosos deportistas participaron nas pasadas fins de semana nas concentracións de tecnificación que a Federación Galega organizou no CGTD de Pontevedra e en Vila de Cruces. As concentracións, aínda que estaban abertas a outros deportistas, estiveron dirixidas principalmente ao júniors e cadetes galegos que nas próximas datas emprenderan a súa preparación para europeos e internacionais. Entre eles atópase o vilalbés Carlos Yobani que comeza a súa preparación de cara ao próximo europeo júnior que terá lugar en Roma a finais de xullo. Vilalba será a  base principal de preparación de Carlos e outros deportistas galegos que se desprazarán a nosa vila para adestrar así como concentracións en Pontevedra ou Madrid, a onde viaxará a mediados de xullo para desputar xunto a Cuba o Gran Premio de España, proba previa ao europeo de Roma.

CARLOS YOBANI GARCÍA OURO NO TORNEO INTERNACIONAL DE SASSARI

O noso deportistas Carlos Yobani García ven de acadar o Ouro no Torneo Internacional Citta de Sassari que se disputou esta fin de semana na cidade Italiana. Carlos, que loitaba na categoría júnior en menos de 65 kg, alzouse co primeiro posto tras superar aos canadienses Kantin Natael e Neice Connor e aos españois Jose Javier Andújar e Carlos Gual.
Con esta victoria, a única en júnior masculina para o equipo español, Carlos achégase á participación do Campionato de Europa júnior que terá lugar en Roma a finais de xullo e que esta mesma semana comezará a preparar en Vilalba.
O outro vilalbés convocado para esta cita era José Cuba, pero non puido participar debido a unha lesión no xeonllo sufrida nos pasados Campioantos de Europa celebrados en Kaspiysk (Rusia). O vilalbés decidiu non participar en Italia co obxectivo de recuperarse de cara aos Xogos do Mediterráneo de Tarragona, cita á que tampouco poderá acudir debido á comunicación de última hora de que a organización eliminaba varias categorías da competición, sendo a de libre masculina menos de 125 kg unha delas. Agora Cuba terá máis tempo para recuperarse e preparar a próxima gran cita, o Gran Premio de España, competición na que terá que acadar presea si quere ter opcións de ser clasificado para o mundial.
Noraboa  a Carlos polo bo traballo feito e moito ánimo aos dous para continuar nesta liña!
VER MÁIS FOTOS

MARTÍN PENA CAMPIÓN DA COPA DE ESPAÑA DE ESCOLAS DEPORTIVAS

Este sábado celebrouse na localidade sevillana de Alcalá de Guadaira a Copa de España de loitas olímpicas e na que o noso deportistas Martín Pena acadou o ouro en menos de 85 kg da categoría escolar.
O outro vilalbés, Samuel García Miragaya, acadou o bronce en menos de 57 kg tras caer ante o actual campión de España da categoría.
Os dous vilalbeses formaban parte da selección galega formada por 7 representantes das diferentes escolas deportivas galegas sendo a primeira vez que dous vilalbeses participan nesta competición.
Con estes resultados tanto Samuel, que está becado no CGTD de Pontevedra, como Martín pechan unha tempada na que acadaron medallas en tódolos campionatos de Estatais desta tempada.
Noraboa e a seguir adestrando para a próxima tempada!
VER MÁIS FOTOS

SAMUEL E MARTÍN LOITARÁN NA COPA DE ESPAÑA DE ESCOLAS DEPORTIVAS

Os vilalbeses Samuel García Miragaya e Martín Pena Lama foron seleccionados pola Federación Galega para representar ás Escolas Deportivas de loita de Galicia na Copa de España que se celebra este sábado na localidade sevillana de Alcalá de Guadaira.
O combinado galego que viaxará con 7 deportistas seleccionou aos dous vilalbeses para conformar a representación de libre olímpica na categoría escolar despois de acadar sendas pratas nos pasados Campionatos de España, Samuel en menos de 57 kg e Martín en menos de 85 kg.
Moita sorte e ánimo.

PRATA E BRONCE NOS CAMPIONATOS DE ESPAÑA UNIVERSITARIOS

O club Vilalba acada unha prata e un bronce nos Campionatos de España Universitarios que se celebraron o pasado sábado en Torre del Campo (Jaén). A primeira foi para Francisco Monasterio en menos de 125 kg competindo pola USC, mentras que o bronce foi para Adrián Imedio en menos de 57 kg pola UDC, o loitador avilesino adestra no Judo Club UDC ás ordes do Dr. Eduardo Carballeira pero ten licenza polo Vilalba para as competicións de loitas olímpicas e sambo.
Con estas medallas o club vilalbés estivo presente en tódolos campionatos de España agás o de veteráns obtendo medallas en todos eles, dúas delas de ouro, as acadadas por José Cuba no sénior e por Carlos Yobani no júnior.
Noraboa aos dous!

CUBA REMATA NO EUROPEO DE KASPIYSK

O vilalbés José Cuba remata en 8º posición no europeo de Kaspiysk depois de rozar un dos seus mellores resultados nun europeo.
O vilalbés perdeu ante o polaco e subcampión de Europa no 2016 Robert Baran tras pasar a primeira rolda nun combate que parecía decantarse para o noso. Cuba comezou gañando tras unha efectiva defensa ante os ataques do que a priori partía como favorito,  e incluso o tivo para tocado de espaldas en dúas ocasión polo que puido gañar o enfrontamento de maneira directa, pero un claro erro arbitral, ao noso erro, e a intensidade de Baran puxeron o combate nas mans do polaco que se alzou coa victoria por 11-4.
Aquí rematou a participación de Cuba pois na seguinte rolda o polaco caeu ante o actual campión mundial, o georgiando Petriashvili, deixando sen posibilidades de repesca na loita polo bronce a Cuba. Un bronce que acadaría de gañar contra o autriaco Ludescher, a priori asequible para o vilalbés e que rematou por levarse o propio Robert Baran.
A categoría a final a domiñou o actual campión olímpico Taha Akgul de Turquía.
Do equipo español  o mellor resultado foi o do balear Levan Metrivelli que acadou o 5º posto tras perder o bronce ante o representante serbio.
Non houba moita sorte pero estamos contentos co nivel amosado e actitude do noso deportista durante o enfrontamento.
Agora queda preparar as próximas citas internacionais, comezando polo internacional de Sassari (Italia) a finais de maio.
Noraboa a todos e ánimo que estamos no bo camiño!

5º POSTO NA LIGA GALEGA DE DEPORTE ESCOLAR

O noso club composto polas escolas de Vilala e Xermade acadou o 5º posto na xornada final de deporte escolar do Xogade que se celebrou no pavilló municipal de Vila de Cruces.
O Vilalba clasificárse para esta final A na pasada xornada norte celebrada en Lugo no mes de Febreiro e viaxamos a Vila de Cruces para facer 5 enfrontamentos entre os 6 clubs galegos mellor clasificados.
Esta competición ten un compoñente participativo e lúdico por diante do aspecto competitivo ou resultadista, desenrolándose cun regulamento adaptado aos máis pequenos e primando a participación por riba das victorias. Esto fai que cada ano centos de nenos participen e disfruten coa práctica das loitas olímpicas. A clasificación final domiñouna o San Ignacio de Vigo seguido o Cidade de Vigo e El Castro de Vigo en terceiro lugar. O outro club da provincia, o Lugo, acadou un 10º posto na final B.
O equipo do Club Vilalba tivo a seguinte representación:

• Alonso Maceiras (Vilalba).
• Izan Pena (Vilalba).
• Alex Carballeira (Vilalba).
• Hector Somoza (Vilalba).
• Nicolás González (Vilalba).
• Andrés Maceira (Vilalba).
• Xoel Codesal (Vilalba).
• Xiao Seoane (Vilalba).
• Kevin Cuba (Vilalba).
• Sabel Gómez (Xermade).
• Uxía Gómez (Xermade).
• Laura Feal (Xermade).

JOSE CUBA VIAXA AO EUROPEO DE KASPIYSK

O noso deportista máis internacional saiu onte cara á cidade daghestaní de Kaspiysk en Rusia para desputar os Campionatos de Europa Senior que estanse a celebrar na localidade rusa dende o 30 de abril e que rematarán o próximo 7 de maio.
O vilalbés loitará a categoría de 125 kg que comezará o día 4 e, de ter sorte, rematará coa súa clasicación en semifinais ou finais do día 5.
Temos que lembrar que Cuba estará en Rusia grazas á axuda anual coa que a Deputación de Lugo comprometeuse co club, o que fixo posible a participación do vilalbés nesta cita clave para poder estar nos próximos mudiais de Hungría no mes de outubro.
En libre olímpica só haberá tres representates máis do equipo español, Levan Metrivelli en menos de 57 kg, Juan Pablo González en menos de 65 kg e Taimuraz Friev en menos de 86kg.
Moita Sorte a todos!

CARLOS YOBANI GARCÍA REMATA A CONCENTRACIÓN COA SELECCIÓN ESPAÑOLA

O vilalbés Carlos Yobani García ven de rematar a concentración coa selección española júnior que se celebrou no CAR Infanta Cristina de Murcia.
Carlos estivo baixo as ordes dos adestradores nacionais que buscaban perfilar o equipo que representará a España nos próximos Campionatos de Europa de Roma no mes de xullo, pero antes terá que clasificarse no prestixioso Torneo Internacional de Citta de Sassari en Italia que convocará na capital de Cerdeña a algúns dos mellores loitadores europeos.
Carlos comezará esta semana a preparar sendas citas nos seus adestramentos diarios en Vilalba.

CARLOS YOBANI GARCÍA GAÑA O TORNEO INTERNACIONAL DE LA NUCIA

O vilalbés Carlos Yobani García acaba de gañar o Torneo Internacional de Jóvenes Promesas de La Nucia que celebrou hoxe a categoría júnior na localidade alicantina. Pola súa banda, Roberto Díaz acadou a prata en menos de 60 kg tras caer na final ante o andalúz Andrés Vizcaíno co que xa perdera o seu enfrontamento nos pasados campionatos España. Estas medallas súmanse ao bronce acadado por Samuel Miragaya na categoría cadete desputada onte.
Esta é a primeira cita internacional para os nosos deportistas é pasaba por ser fundamental para os júnior, pois resulta unha proba importante para os posibles seleccionables para europeos e mundiais. Deste xeito Carlos afianza a súa posición como un dos favoritos para representar a España nos próximos europeos júnior e incluso Sub23.
Co obxectivo de continuar a súa selección para as próximas citas internacionais, Carlos permanecerá concentrado esta semana coa selección española no CAR Infanta Cristina de Murcia, despois disto o vilalbés regresará a Vilalba para preparar os próximos campionatos e rematar de recuperarse da lesión de xeonllo producida hai dúas semanas.
Noraboa a todos e a seguir traballando.

T.INTERNACIONAL DE JÓVENES PROMESAS

Hoxe parten cara a La Nucia (Alicante) os loitadores vilalbeses Roberto Díaz Orosa e Carlos Yobani García para participar no T. Internacional de La Nucia e no que asisten en calidade de convocados pola selección española co obxectivo de perfilar os loitadores que conformarán o convinado español para os próximos europeos e mundiais. Son moi poucas as prazas que a Federación Española e moitos os candidatos ao largo do estado que adestran cada día co obxectivo de estar nos europeos e mundiais.
O domingo comezará a competición júnior dos nosos deportistas e o luns incorporanse a unha concentración coa selección española en Murcia que durará toda a semana.
Moita sorte a todos!

GERGANA DIMITROVA PLATA NO CAMPIONATO DE ESPAÑA SUB23

Esta fin de semana ven de celebrarse en Madrid o campionato de España de loitas olímpicas da categoría Sub23 no que tivemos a representación de 4 dos nosos loitadores lucenses. O máis salientable deles a prata da rabadense Gergana Dimitrova en libre feminina en menos de 68 kg. A deportista ás ordes de Marcos Carral acada o segundo metal para o Rábade nun estatal feminino despois do bronce acadado por Laura Arias no campionato de España sénior. Os resultados do Rábade xunto coa participación de cada vez máis nenas nas categorías de base das escolas de Vilalba e Xermade é un sinal do asentamento da loita feminina na provincia.
Tamén do Rábade contamos coa presenza de Jonathan Pernas, que en menos de 79 kg non tivo posibilidades de loitas polas medallas.
Do Vilalba temos que destacar o bronce de Adrián Imedio en menos de 57
kg e  o quinto posto de Roberto Díaz Orosa en menos de 65 kg.
A nota negativa a puxo a lesión sufrida o pasado martes por Carlos Yobani García, o que lle impediu participar en menos de 70 kg, categoría na que partía como favorito e coa que contaba sumarlle outro ouro ao acadado hai unhas semanas no júnior. Ao final a categoría a dominou outro galego, Rafael Álvares do San Ignacio de Vigo, amigo e compeñeiro de Carlos que na pasada semana tamén adestrou en Vilalba co obxectivo de ultimar a súa preparación para o Campionato de España.
Noraboa a todos e dun xeito especial a Gergana e Marcos Carral por seguir abrindo o camiño da loita feminina lucense!

CARLOS YOBANI CONCENTRADO COA SELECCION ESPAÑOLA

O vilalbès Carlos Yobani acaba de chegar da concentración coa selección española jùnior que se celebrou durante a Semana Santa en Torre del Campo (Jaèn). À actividade estaban convocados os principais loitadores de cada categoría como toma de contacto cos seleccionadores de cara a valorar a sùas posibilidades  nos próximos europeos e mundiais.
Carlos chega xusto para preparar os campionatos de España Sub23 que se celebraran en Madrid a próxima fin de semana  e no que terà que desputar a categoría de menos de 70 kg, unha superior à sùa debido à dificultade de dar os 65 kg da sùa categoría dun xeito tan regular. Aìnda así agardamos que Carlos poda subir ao màis alto do podio e rematar por posicionarse como un dos principais favoritos para ser convocado para o continental jùnior desta tempada.

2 PRATAS NOS CAMPIONATOS DE ESPAÑA ESCOLAR E CADETE

Vilalba ven de acadar dúas pratas nos Campionatos de España Escolar que se ven de celebrar onte pola mañá no Pavillón Municipal de Pontevedra e no tivemos a representación de Samuel García Miragaya en menos de 52 kg de Martín Pena Lamas en menos de d 85 kg, ámbolos dous na modalidade de libre olímpica.
Samuel comezou a xornada amosando unha clara superioridade na súa categoría gañando os primeiros enfrontamentos por superioridade técnica, cedendo só na final nun axustado combate que acabou por decantarse en favor do representante andaluz. O vilalbés deu mostras dunha clara progresión deportiva froito dos seus adestramentos diarios como becado no CGTD de Pontevedra.
Martín, que disputou unha categoría menos concorrida, chegou á final tras vencer con facilidade os dous primeiros combates caendo ante o representate de Madrid por superioridade técnica na loita polo ouro.
Na categoría cadete representounos Rubén Fraga Cal en menos de 71 kg o cal accedeu á repesca tras caer ante o representante andaluz tamén por superioridade técnica. Xa na loita polas preseas venceu o seu primeiro combate con facilidade pero non foi quen de superar ao representante galego que se impuxo na disputa polo bronce. Acada así Rubén un meritorio 5º posto  no seu primeiro ano de cadete.
Noraboa a todos e ánimo para seguir mellorando!
VER MÁIS FOTOS

CARLOS YOBANI GARCÍA CAMPIÓN DE ESPAÑA JÚNIOR

O vilalbés Carlos Yobani García acaba de acadar o ansiado título de Campión de España no estatal que se celebrou hoxe no Palació dos Deportes de Xixón. Carlos alcanzou o tan ansiado ouro na categoría de menos de 65 kg vencendo todos os seus combates por superioridade técnica ou tocado antes do tempo regulamentario e sen ceder ningún punto, mostra da motivación coa que xoven loitador chegaba á primeira cita importante do ano.
Roberto Díaz Orosa, tamén do Vilalba, tivo que conformarse cun meritorio bronce en menos de 61 kg tras caer no pase á final ante o andaluz Andrés Vizcaíno. Roberto gañou todos os combates agás o pase á final, no que non tivo moitas oportunidades ante o campión da categoría debido á falla de adestramento desta tempada pola dificultade compaxinar os estudos de cos adestramentos.
Do Club de Rábade temos que destacar o  bronce de Laura Arias en libre feminina menos de 57 kg, que logrou impoñerse na respesca a sumar outra medalla estatal feminina para o club lucense. Jonathan Pernas, tamén do Rábade non tivo moita sorte quedando fóra da loita polas medallas na categoría de menos de 79 kg.
O ouro de Carlos non foi o único para o equipo galego, xunto a Carlos subiron ao máis alto do podio Rafael Álvarez (San Ignacio de Vigo) en menos de 70 kg, Omar Rodríguez (Sabarís de Baiona) en menos de 74 kg, Daniel Espinosa (Cidade de Vigo) en menos de 97 kg e Aron Ayude (Ayude de Melide) en menos de 125 kg, todos eles en libre masculina e Nerea Pampín (Keltoi de Vila de Cruces) en menos de 65 kg.
Agora Carlos tentará facer o mesmo nos próximos campionatos de España da categoría Sub23 e tentar a clasificación para os europeos e mundiais da categoría.
Noraboa a todos e ánimo!
VER MÁIS FOTOS

CARLOS YOBANI CONVOCADO COA SELECCIÓN ABSOLUTA

O vilalbés Carlos Yobani García ven de rematar a concentración coa Selección Española Absoluta que se convocou a semana pasada de cara a preparar o Torneo Internacional Dan Kolov de Bulgaria como proba clasificatoria a nivel interno para o Europeo de 2018.
Carlos que áínda e júnior de segundo ano acudiu a Madrid convocado polos seleccionadores absolutos que ven nel o potencial necesario para garantir o relevo das actuáis primeiras espadas absolutas de cara un futuro próximo.
Esta semana Carlos retomará os adestramentos en Vilalba co obxetivo de preparar os próximos campionatos de España júnior que Terán lugar o próximo 10 de marzo en Xixón e nos que tamén loitará o vilalbés Roberto Díaz Orosa en menos de 61 kg.
 

VILALBA-XERMADE SEGUNDO NA XORNADA NORTE DE DEPORTE ESCOLAR

O equipo do Club de Loita Vilalba composto polas escolas deportivas de Vilalba e Xermade ven de acadar  segundo posto da Xornada Norte de Deporte Escolar de Loitas Olímpicas correspondente ao programa XOGADE da Secretaría Xeral para o Deporte, e que se celebrou este sábado na Casa do Deporte de Lugo. O Vilalba foi o mellor equipo clasificado da provincia con 82 puntos mentras que a escola de Lugo acadou o sexto posto con 34 puntos. O primeiro clasificado foi o Keltoi de Vila de Cruces con 110 puntos, e xunto co Vilalba e o Ayude de Melide, que quedou terceiro, clasificáronse para a Final A da Liga de Deporte Escolar que terá lugar o próximo 19 de maio en Vila de Cruces (Pontevedra). Na final A participaran as 6 escolas galegas que máis puntos acadasen nas fases territoriais podendo clasificarse así para o Campionato de España de Escolas Deportivas.

O equipo vilalbés acudiu cunha pequena representación das súas escolas composto por 14 deportistas e estivo dirixido por Jose Luís Puentes como técnico das categorías base e o apoio de Ramón Monasterio. Os deportistas participantes foron:

1. Lois Currás Penas.
2. Xoel Codesal Díaz.
3. Lucas Fernández Prado.
4. Noa Hormeño Carballeira (Xermade).
5. Mateo Cupeiro López.
6. Alonso Maceira Vilasuso.
7. Héctor Somoza García.
8. Andrés Maceira Vilasuso.
9. Uxía Gómez Ares (Xermade).
10. Kevin Cuba Goás.
11. Ainara Canceiro Cabaleiro (Xermade).
12. Laura Paz Feal (Xermade).
13. Nicolás González Díaz.
14. Xiao Seoane Vázquez.

Noraboa a todos e ánimo para a seguinte!

PLENO DE OUROS NOS GALEGOS JÚNIOR E ESCOLAR

Acábanse de celebrar no pavillón municipal de Teis en Vigo os campionatos galegos de loitas olímpicas das categorías escolar e júnior onde os loitadores da nosa provincia capitaneados nesta ocasión por Iván Paredes e Nicolás Castro acadaron casi un pleno de ouros dominando as súas respectivas categorías.
Así o Vilalba e o Rábade foron os máis destacados acadando o primeiro un bronce en libre olímpica júnior na clasificación por clubs e otro bronce o Rábade na modalidade de libre feminina júnior.
Destacar que todos os loitadores de ambos clubs gañaron as súas respectivas categorías clasificándose directamente para os próximos campionatos de España que terán lugar en Pontevedra o próximo 10 de marzo, somentes Antón Leivas do Club Lugo non acadou o ouro gañando aínda así un bronce na categoría escolar en menos de 44 kg, Laura Arias coa súa prata en menos de 47 kg en Gergana Dimitrova tamén do Rábde con outra prata en menos de 65 kg, acadándose deste xeito un 100% de medallas para a representación lucense nos campionatos galegos.
Por parte dos loitadores da provincia os resultados foron os seguintes:
En categoría Escolar:

• Samuel García Miragaya (Vilalba): ouro en libre e ouro en grecorromana en menos de 52 kg.
• Martín Pena Lama (Vilalba): ouro en libre e ouro en grecorromana en menos de 85 kg.
• Antón Leivas (Lugo): bronce en libre olímpica.

En categoría júnior:

• Roberto Díaz Orosa (Vilalba): Ouro en libre olímpica menos de 65 kg e ouro en grecorromana en menos de 67 kg.
• Carlos Yobani García (Vilalba): Ouros en libre olímpica en menos de 70 kg e prata en grecorromana en menos de 72 kg.
• Jonathan Pernas (Rábade): ouro en libre olímpica en 79 kg e ouro en grecorromana en menos de 82 kg.
• Laura Arias prata en menos de 47 kg en libre feminina
• Gergana Dimitrova: prata en e menos de 65 kg.

Agora toca poner a punto a nosa preparación de cara aos próximos campionatos de España júnior que terán lugar en dúas semanas na capital do Lérez no que tentaremos traer para a provincia varias medallas de ouro.
Noraboa  todos e ánimo para o próximo campeonato de España.
 

DE NOVO NO PODIO ESPAÑOL NA MAXIMA CATEGORIA

O noso club ven de proclamarse 3º de España na clasificación por clubs nos Campionatos de España Sénior que se celebraron onte en Murcia e nos que a provincia tivo unha forte presencia no combinado galego.
En libre olímpica masculina a maioráia das medallas galegas tiveron sabor vilalbés, destacando o único ouro galego en libre masculina acadado por José Cuba en menos de 125 kg, e xa son con esta 14 as veces que o vilalbés acada o título estatal da máxima categoría, unha proeza única no noso deporte e que agardamos que continúe a ensanchar nos próximos anos.
Temos que destacar tamén a participación por suposto de Adrián Imedio en menos de 57 kg que alcanzou unha prata e a de Jose Luís Puentes en menos de 92 kg que regresou cun bronce. Adrián, deportista do UDC de A Coruña combina a práctica da loita co Iudo e o Sambo acadando en tódalas modalidades resultados destacados a nivel español e internacional. Pola súa banda, Jose Luis regresou á competición despois de varios anos retirado, e nos que xa como adestrador do Vilalba decidiu animar a varios loitadores veteranos a competir nesta tempada, entre eles Javier Rouco e Pablo Chao que tras gañar os pasados campionatos galegos gañaron a súa praza para os estatais en menos de 96 kg e menos de 74 kg respectivamente. O esforzo deste eternos loitadores trouxo para Vilalba un bronce de Puentes, un  5º posto de Rouco e un 7º posto de Chao que xunto ao 5º posto acadado polo aínda júnior Carlos Yobani en menos de 65 kg serviron para que Vilalba voltase a subir ao podio entre os mellores clubs españoles da máxima categoría.
Por parte dos deportistas do Rábade, temos que destacar a boa participación de Laura Arias en menos de 57 kg e Gergana Dimitrova en menos de 65 kg en loita feminina que aínda de non subir ao podio tiveron posibilidades de loitar polo bronce, metal que se lles escapou no último momento tendo que conformarse con sendos quintos postos. O tamén rabadense Martín Vázquez en menos de 92 kg non tivo bo sorteo o que lle deixou fóra da loita polos postos de podio, aínda asía amosou a grande progresión que os deportistas de Marcos Carral veñen demostrando nas últimas tempadas.
A participación lucense culmina coa prata de Nicolás López do Club Lugo na modalidade de grecorromana en menos de 130 kg e o 7º posto de Clemente Alves en menos de 61 kg.
Noraboa a todos e agora uns a preparar o júnior, Cuba os internacionais e o resto  a axudar, pois si ben este é un deporte individual sen equipo non somos ninguén!
VER MÁIS FOTOS

VILALBA CAMPIONA GALEGA ABSOLUTA

O noso club proclamouse campión galego absoluto tanto en libre olímpica como en grecorromana nos campionatos galegos de loitas olímpicas que se celebraron onte no Pavillón Municipal Santa Isabel  de Santiago de Compostela mentras que tivemos que conformarnos co 4º e 5º posto respectivamente nas modalidades de grecorromana e libre olímpica da categoría cadete debido ao reducido equipo co que viaxamos.

O equipo estivo conformado por 8 deportistas da categoría sénior e 2 na categoría cadete coilletando todos eles medalla nas dúas modalidades.
Na categoría sénior temos que destacar os seguintes resultados:

• Roberto Díaz Orosa, ouro en libre olímpica menos de 65 kg e grecorromana menos de 67 kg.
• Adrián Imedio, ouro en libre olímpica en menos de 57 kg e en grecorromana en menos de 60 kg.
• José Cuba Vázquez, ouros en libre olímpica en menos de 125 kg e en grecorromana en menos de 130 kg.
• Jose Luis Puentes Seoane prata en libre olímpica en menos de 86 kg e ouro en grecorromana en menos de 87 kg.
• Javier Rouco Rego, ouros en libre olímpica en menos de 97 kg e en grecorromana en menos de 96 kg.
• Carlos Yobani García, ouro en libre olímpica en menos de 70 kg e bronce en grecorromana en menos de 72 kg.
• Pablo Chao Durán bronce en libre olímpica en menos de 74 kg e prata en grecorromana en menos de 77 kg.
• Francisco Monasterio Portela, prata en libre olímpica en menos de 125 kg e bronce en menos de 130 kg.

Na modalidade cadete destacar os ouros de Samuel García Miragaya en libre olímpica e grecorromana en menos de 51 kg e o as pratas de Rubén Fraga Cal en libre olímpica e grecorromana en menos de 70 kg.

Pola súa banda o Rábade tamén asinou unha magnífica actuación acadando o 3º posto por equipos na modalidade de libre feminina absoluta, e no cabe destacar os seguintes resultados:

• Laura Arias, ouro en menos de 57 libre feminina.
• Gergana Dimitrova, prata en menos de 68 kg libre feminina.
• Jonathan Pernas, bronces en libre olímpica menso de 74 kg e grecorromana menos de 77 kg.
• Martín Vázquez, ouro en libre olímpica en menos de 92 kg e prata en grecorromana en menos de 97 kg.

O Lugo como 3º club da provincia tamén tivo unha destacada actuación acadando o 3º posto por equipos na modalidade de grecorromana categoría absoluta. Destacaron por este club a prata de Nicolás López en grecorromana menos de 130 kg e a prata de Clemente Alves en menos de 65 kg.

Deste xeito, a nosa provincia terá unha ampla representación nos próximos campionatos de España que se celebrarán en Murcia o próximo 10 febreiro.

 VER MÁIS FOTOS

CAMPIONATOS GALEGOS DE LOITAS OLÍMPICAS SÉNIOR E CADETE

Este sábado 27 terán lugar no Pavillón Municipal Santa Isabel de Santiago de Compostela os campioantos galegos de loitas olímpicas das categorías Sénior e Cadete.
Máis de 100 deportistas disputarán as diferentes cateogorías de peso que conformarán os equipo galego que nos representará nos próximos campionatos de España que terán lugar o 10 de febreiro en Murcia a categoría sénior e o 17 de marzo en Pontevedra a categoría cadete.
Este sábado o noso club desprazará 12 loitadores, 9 na catogoría sénior e 3 cadetes, coa esperanza de acadar unha boa representación vilalbesa nos próximos campionatos nacionais.
Boa sorte a todos!

CONCENTRACIÓN DEPORTIVA NO CGTD DE PONTVEDRA

Hoxe varios dos nosos deportistas participaron na concentración deportiva que a Federación Galega organizou no CGTD de Pontevedra e na contou co noso compañeiro Alexis Rodríguez como adestrador convidado. Moitos loitadore galegos tiveron a oportunidade de adestrar co campión do Mundo e aprender algúns dos seus trucos.
A actividade tamén serviu como despedida da figura cubana que este domingo parte cara a Marruecos para dirixir o centro de apoio olímpico de África, onde terá como obxectivo elevar a loita de varios dos países africanos que contan con deportistas concentrados no centro marroquí.
A nosa intención é seguir a traballar de maneira puntual con Alexis para seguir a mellorar a preparación dos nosos deportistas polo que agardamos ter a oportunidade de seguir a xuntarnos de maneira periódica.